Las scènas musicalas
PartatjarAu travèrs de las numerosas hestejadas que li son dedicadas, la scèna musicala occitana aufrish au public un repertòri ric ont la musica tradicionala s’abarreja a fòrça estiles musicaus.
Au demiei de las manifestacions las mes coneishudas, ne vam pas citar que la hestejada Occitania a Tolosa, Estivada a Rodés o enqüèra Hestiv’Òc a Pau…
Aqueras hestejadas atiran formacions tan eclecticas que Nadau, los Fabulós Trobadors, lo Massilia Sound System, Gadalzen, Dupain, Brotto-Lopez…
Totas hèn descobrir las suas creacions qu’an influéncias divèrsas ; çaquelà, demòran fin finala estacadas a promòver e a difusir ua cultura, ua istòria e ua lenga comunas.
Un pauc d’istòria
L’eretatge musicau occitan tròba en partida la sua origina dins la musica profana* de l’Edat-Mejana, dambe la poesia deus trobadors* tau coma Guilhèm de Peitius, Bertran de Bòrn o enqüèra Marcabrun. Entà disvertir los senhors e las suas corts, aqueths artistas medievaus rivalizavan d’engenh dins l’art de trobar*.
- la cançon* aujòla de la nòsta cançon actuala ;
- lo sirventés* que se pòt tornar trobar auèi dins las cançons engatjadas ;
- la ballada* fòrma musicala enqüèra utilizada auèi ;
- la tenson* presenta dins las tradicions de fòrça musicas deu monde (inuit, Guinea etc.), dins lo rap tanben.
Aqueras poesias cantadas an coma principaus subjèctes l’amor cortés, la satira morala o politica, la cavaleria… Pòden estar acompanhadas d’instruments, coma la harpa o la sonsaina.
Pòrtan tanben la pròva que lo mestissatge musicau ne data pas de ger : la cançon e la poesia hispanò-araba, entà pas citar qu’aqueth exemple, presentan remirablas similituds ligadas a las crotzadas e aus romivatges.
La scèna actuala
Mes d’un paramètre a permés, dempuish la fin de las annadas 1960, ua renavida de la musica occitana :
identitat pregonda
deveng mes que jamès lo mejan d’exprimir ua identitat pregonda. En efèit, en produsir tèxtes de cançons que valorizan l’istòria, la cultura e las ideas, los autors occitans contemporanèus se hèn los pòrta-paraulas d’un pòble estacat a deféner las especificitats de la sua cultura e de tornar a las suas arrasics. Atau, la scèna francesa a vist espelir mantuns artistas occitanofònes coma Claudí Martí, Patric o Los Caminaires.
dimension multiculturala e internacionala
en mes d’aquò, l’influéncia de las musicas popularas americanas (blues, jazz etc.) e l’interés creishent per las musicas deu monde balhan ua dimension multiculturala e internacionala a la musica occitana.
- Nadau (grop vasut a Tarba a la fin de 1973) hè se costejar la guitarra electrica, la bateria, las bohas, lo vriulon o l’acordeon en colorejar atau las suas cançons de sonoritats ròck.
- Los Fabulós Trobadors (grop tolosan format en 1987) abarrejan a la tradicion occitana lo rap, lo beat box, tot aquò sus ritmes brasilians.
- Mes pròche d’auèi, Guilhèm Lopez, musician e cantaire, neurish las suas compausicions de multiplas influéncias (musicas tradicionalas d’Occitania, deu Maghreb, d’Espanha, jazz etc.).
Se los grops occitans desvolopan auèi ua paleta sonòra neurida d’estíles musicaus fòrça variats, demòran en prumèr los ambaishadors d’ua tradicion viva.
Frisa cronologica
Questions
- Quins son los punts comuns entre los trobadors e los artistas occitans actuaus ?
- Quins genres poetics medievaus son a l’origina deu repertòri que podem enténer sus las scènas actualas ?
- Coma la musica occitana s’ei diversificada austanlèu la segonda mitat deu sègle XXau ?
Activitats
Trobar los instruments tradicionaus au miei deus instruments seguents :
Aqueth projècte estoc finançat damb lo sosteng de la comission europèa.